चितवनको पाइमाराङमा जेसीवी दुर्घटना हुँदा चालकको मृत्यु

चितवन, जेठ १० । चितवनको कालिका नगरपालिका वडा नं १० पाइमाराङमा जेसीवी दुर्घटना हुँदा चालकको मृत्यु भएको छ ।

बिहीबार इच्छाकामनाको काउलेबाट कालिकाको सिद्धितर्फ आउँदै गरेको बागमती प्रदेश ०३००१ क २५८ नम्बरको जेसीवी पाइमाराङमा दुर्घटना हुँदा चालक खैरहनी नगरपालिका वडा नं १० निवासी ३६ बर्षीय कृष्ण थापाको मृत्यु भएको हो ।

उनको घटनास्थलमै मृत्यु भएको हो । पाइमाराङको घुमाउरो ठाउँबाट जेसीवी ३०० मिटर तल खसेको चितवन प्रहरीले जानकारी दिएको छ ।