नवलपुरको देवचुलीमा आगलागी हुँदा ८० हजार बराबरको क्षति

नवलपुर, माघ २३ । नवलपुरको देवचुली नगरपालिका – ८ आँपटारीमा आगलागी हुँदा ८० हजार बराबरको क्षति भएको छ ।

सोमबार राती साढे ९ बजेतिर स्थानीय शिव कुमारी पाण्डेको टिनले छाएको एकतले कच्ची गाईको
गोठमा आगलागी भएको हो । खाना बनाउने क्रममा आगलागि भएको हो ।

आगलागीबाट कुनै मानवीय तथा चौपाय क्षेती नभएको नवलपुरका सूचना अधिकारी एवं प्रहरी नायव उपरीक्षक (डीएसपी) बेद बहादुर पौडेलले जानकारी दिए ।

डीएसपी पौडेलका अनुसार घटनाको जानकारी प्राप्त हुनासाथ प्रहरी टोली खटि गई २१:५० बजे प्रहरी, स्थानिय र कावासोती नगरपालिकाको दमकलको सहयोगमा आगो नियन्त्रणमा लिएको थियो ।

घटनाबारे थप अनुसन्धान कार्य भईरहेको प्रहरीले जनाएको छ ।