बेलायती र भियतनामी राजदूतद्वारा राष्ट्रपतिसमक्ष ओहोदाको प्रमाणपत्र पेश

काठमाडौँ । राष्ट्रपति रामचन्द्र पौडेलसमक्ष नेपालका लागि बेलायतका आवासीय र भियतनामका गैरआवासीय राजदूतले ओहोदाको प्रमाणपत्र पेश गरेका छन् । उनीहरुले आज दिउँसो राष्ट्रपति कार्यालय, शीतल निवासमा आयोजित कार्यक्रममा प्रमाणपत्र पेश गरेका हुन् ।

नेपालका लागि बेलायतका आवासीय राजदूत रोबर्ट डोमिनिक रुसेल फेन र भियतनामका गैरआवासीय राजदूत गुएन थान हाईले आफ्नो ओहोदाको प्रमाणपत्र पेश गरेका हुन् ।