चन्द्रागिरीमा मारुती कार दुर्घटना हुँदा २ जनाको मृत्यु

काठमाडौं, साउन १२ । चन्द्रागिरीमा मारुती कार दुर्घटना हुँदा २ जनाको मृत्यु भएको छ । 

थानकोटबाट चित्लाङ जाँदै गरेको बा १० च ३५४६ नम्बरको मारूती भ्यान चन्द्रागिरी-४ पानीघाटनजिक भीरबाट खसेको प्रहरी वृत्त थानकोटका प्रहरी नायब उपरीक्षक (डिएसपी) नारायणप्रसाद अधिकारीले जानकारी दिए । 

डिएसपी अधिकारीका अनुसार गाडीमा पाँच जना सवार रहेका थिए । गाडि सडकबाट खसेर भीरको बीचमा अड्किएको थियो । थप विवरण आउन बाँकी रहेको र घटनास्थलमा सुरक्षाकर्मीको टोली खटिएको डिएसपी अधिकारीको भनाइ छ ।