पत्रकार पुजन दासलाई आक्रमण गर्नेलाई कारबाहीको माग

विराटनगर । मोरङ उर्लाबारीस्थित पूर्वी कमान्ड अनलाइनका समाचार प्रमुख पूजन दासमाथि साङ्घातिक आक्रमण भएको छ ।

समाचार सङ्कलन गरेर फर्किने क्रममा मोरङको रतुवामाई १० स्थित एक ग्यारेजमा मोटरसाइकल बिग्रिएर मर्मत गर्ने क्रममा ५/६ जनाको समूहले उनीमाथि आक्रमण गरेका हुन् ।

उनको अहिले उर्लाबारीस्थित अरनिको हस्पिटलमा उपचार भइरहेको छ । आफूलाई बिना कारण आक्रमण गरिएको दासले बताए । उनको मुखमा चोट लागेको छ । घटनामा संलग्नलाई पक्राउ गरी कानुनी कारबाहीको माग गर्दै प्रेस सेन्टर मोरङले माग गरेको छ ।

सो सङ्गठनले समाचार लेख्ने, सङ्कलन गर्ने र प्रकाशन तथा प्रसारण गर्ने संवैधानिक अधिकारको रक्षा गर्दै शान्तिपूर्ण ढङ्गले काम गर्ने वातावरण सिर्जना गर्न पनि स्थानीय प्रहरी प्रशासनसमक्ष माग गरेको छ ।