भोलि काठमाडौं उपत्यकामा सार्वजनिक बिदा

काठमाडौं, जेठ १० । सरकारले भोलि (बिहीबार) काठमाडौं उपत्यकामा सार्वजनिक बिदा दिएको छ ।

गृह मन्त्रालयले एक सूचना जारी गर्दै बिहीबार रातो मत्स्येन्द्रनाथको भोटो देखाउने जात्राको अवसरमा बिदा दिने निर्णय भएको जनाएको छ । 

जात्राका अवसरमा उपत्यकाका तीन जिल्लाहरु काठमाडौँ, ललितपुर र भक्तपुरमा बिदा हुने गृह मन्त्रालयका प्रवक्ता जितेन्द्र बस्नेतले जारी गरेको सूचनामा उल्लेख छ ।