नाबालिकामाथि सामूहिक बलात्कार गरेको आरोपमा दुई जना पक्राउ

काठमाडौँ, चैत २१ । नाबालिकामाथि सामूहिक बलात्कार गरेको आरोपमा प्रहरीले काठमाडौबाट दुई जनालाई पक्राउ गरेको छ ।

काठमाडौं उपत्यका अपराध अनुसन्धान कार्यालयले टोखा नगरपालिका – ३ स्थित एक गेष्ट हाउसमा सामूहिक बलात्कार गरेको आरोपमा मंगलबार उनीहरुलाई पक्राउ गरेको हो । पक्राउ पर्नेमा २१ वर्षीय आषिस तामाङ भन्ने निमा तामाङ र २१ वर्षीय कुशल श्रेष्ठ रहेका छन् ।

उनीहरुले नक्कली फेसबुक आइडी बनाएर भेट्न बोलाएर गेष्ट हाउसमा सामूहिक बलात्कार गरेको प्रहरीले जनाएको छ ।