दाङमा बालिका करणी आरोपमा वृद्ध पक्राउ

बुटवल, माघ ७ । दाङमा १३ वर्षीया बालिकालाई जबरजस्ती करणी गरेको अभियोगमा एक जना वृद्ध पक्राउ परेका छन् । पक्राउ पर्नेमा घोराही उपमहानगरपालिका – ९ मुकुणडाँडा बस्ने ६३ वर्षीय छविलाल गुरुङ रहेको छ । उनलाई शनिबार दिउँसो प्रहरीले पक्राउ गरेको हो ।

वृद्धले ती बालिकालाई माघ ५ गते जबरजस्ती करणी गरेको भन्ने उजुरीको आधारमा इलाका प्रहरी कार्यालय नारायणपुरबाट खटिएको प्रहरीले उनलाई पक्राउ गरेको प्रहरीले जनाएको छ ।

प्रहरीले यस सम्बन्धमा आवश्यक अनुसन्धान गरिरहेको छ ।