माटो जोगाउनु सबैको कर्तब्य हो – उपाध्याय

बर्दघाट । विश्व माटो दिवसको अवसरमा बर्दघाट नगरपालिका कृषि विकास शाखाले सोमवार कार्यक्रम सम्पन्न गरेको छ । कार्यक्रम पूर्व चिसापानी चोक हुदै नगरपालिका कार्यालयसम्म प्रभातफेरी गरिएको थियो । यो विश्व माटो दिवसको नवौ संस्करण हो ।

प्रभातफेरी पछि आयोजित कार्यक्रमलाई सम्बोधन गर्दै बर्दघाट नगरपालिकाका उपप्रमुख रुद्र प्रकाश उपाध्यायले माटो जोगाउनु सबैको कर्तब्य रहेको बताउनुभयो । उहाँले त्यसका लागि नगरपालिकाले बिशेष कार्यक्रम ल्याउने जानकारी दिनुभयो । सबै मिलेर मात्र माटो जोगाउन पहल पुग्ने उहाँले बताउनुभयो ।

उक्त कार्यक्रममा नगरपालिकाका कृषि बिज्ञ सल्लाहकार चक्रपाणी पन्थी, कृषकहरु देवी बस्याल, खुमानन्द पन्थलगायतले बोल्नुभएको थियो । कार्यक्रममा माटोको अवस्था बारे कृषि प्राबिधिक राजेन्द्र पन्तले सहजीकरण र कृषि विकास शाखाका जेटीए खुमाकान्त न्यौपानेको संचालन रहेको थियो ।

स्वस्थ माटोको महत्वमा विश्वको ध्यान केन्द्रित गर्न हरेक वर्षको डिसेम्बर ५ तारिखमा विश्व माटो दिवस मनाईन्छ ।