वरिष्ठ अभिनेता विक्रम गोखलेको निधन

काठमाडौं । वरिष्ठ चलचित्र तथा टेलिभिजन अभिनेता विक्रम गोखलेको निधन भएको छ । ७७ वर्षीय अभिनेताले आज पुनेको ‘दीनानाथ मंगेशकर अस्पताल’ मा अन्तिम सास लिएका हुन।

गोखलेको नोभेम्बर ५ देखि नै दीनानाथ अस्पतालमा उपचार भइरहेको र ‘मल्टी अर्ग्यान फेलियर’ का कारण निधन भएको भारतीय मिडियाहरुले बताएको छ।

मिडियाका अनुसार उनको पार्थिव शरीरलाई बाल गन्धर्व रंग मन्दिर लगिनेछ भने अन्तिम संस्कार वैकुण्ठमा गरिने छ ।