कपिलवस्तुमा हावाहुरी सहितको अविरल वर्षाले पाकेको धान डूब्यो खेतमै

धर्मेन्द्र कुमार कुर्मी
कपिलवस्तु ।गोडुवजोत विजयनगर कपिलवस्तुमा धान काटेर खेतमै सुकाएको अवस्थामा परेको अविरल बर्षाले धानबालीमा क्षति पुगेको छ । अबिरल बर्षाले खेतमा पाकेको धान खेतमै डुबानमा परेको छ ।

वर्षा संगै आएको हावाहुरीले पाकेको सबैजसो धान ढलाएको छ । ‘शनिबार मात्र धान काटेर खेतमा राखेका थियौ । आज या भोलिमा उठाउने तयारी थियो, एक्कासी ठूलो पानी पर्दा खेतमा रहेको धानमा नोक्सान गर्‍यो बनगाईका किसान पुनाराम खनालले गुनासो गर्दै भन्नुभयो ।’ यस वर्ष समयमै वर्षा भएका कारण धान पनि राम्रो थियो । धान भित्र्याउने समयमा पानी पर्दा नोक्सानी धेरै हुने भयो उहाँले भन्नुभयो । कपिलवस्तु विजयनगरमा ७ धान बर्षाले डुवानमा पारेको सुनाउनुभयो । ‘हावाहुरी सहितको बर्षा आएपछि पाकेको धान सबै ढलेको छ । खेत पोखरीमा परिणत भएको छ ।’

आइतबार देखि जिल्लामा हावाहुरीसहित अविरल बर्षा भैरहेको छ । जसको कारण पाकेर लटरम्म परेको धानबालीमा नराम्रोसंग क्षति गरेको छ । समयमै पर्याप्त वर्षा हुँदा समयमै धान रोप्न पाएर खुसी भएका किसानहरु धानबाली स्याहार्ने बेला तनावमा परेका छन । आइतबार बेलुका देखि जिल्लामा गएको विद्युत सोमबार अपराह्नमा आएको छ ।

मौसमविदहरुले अझै केही दिन मौसम यस्तो हुने बताएका छन् । झन किसानहरु तनाबमा परेका छन ।