गुल्मीमा ट्रक दुर्घटना हुँदा चालकको घटनास्थलमा मृत्यु

इन्द्रजित नेपाली
गुल्मी । साउन २२ आइतबार बिहान १ ख १८६६ लु नम्वरको ट्रक गुल्मी जिल्लाको रेसुंगा नगरपालिका वडा नम्वर १० सिमिचौरमा दुर्घटना हुँदा चालक गुल्मीदरबार गाउँपालिकाका अन्दाजी ४६ वर्षका रनबहादुर ढेगाको घटनास्थलमै मृत्यु भएको छ ।

मृतकको शवलाई पोस्टमार्टमको लागि जिल्ला अस्पताल तम्घास लगिएको जिल्ला प्रहरी कार्यालय गुल्मीले जनाएको छ ।

खाली ट्रक सिमीचौरको राङबासबाट बुटवल तर्फ जाँदै गरेको थियो । ट्रक करिब सडक देखी दुई सय पचास मिटर तल खसेको र घटनाको बारेमा थप अनुसन्धान जारी रहेको जिल्ला प्रहरी कार्यालय गुल्मीका प्रहरी नायव उपरीक्षक माधवराज खरेलले जानकारी दिए ।