वडाध्यक्ष मनबहादुर घर्तीको मृत्यु

जाजरकोट । जाजरकोटको कुशे गाउँपालिका–७ का वडाध्यक्ष मनबहादुर घर्तीको मृत्यु भएको छ ।

शुक्रबार राति घरमै सुतेका अध्यक्ष घर्ती बिहान मृत्यु भएको अवस्थामा भेटिएको सहायक प्रमुख जिल्ला अधिकारी झलक केसीले बताए ।

उनले नेपाल कम्युनिस्ट पार्टी (माओवादी केन्द्र)बाट चुनाव जितेका थिए । घरमै सुतिरहेको अवस्थामा कसरी मृत्यु भयो भन्नेबारेमा अनुसन्धान जारी रहेको केसीले बताए । रासस