फर्पिङको जंगलमा एक जोडी मृत भेटिए

काठमाडौं, जेठ २३ । काठमाडौंको दक्षिणकाली नगरपालिकामा पर्ने फर्पिङको जंगलमा एक जोडी मृत फेला परेका छन् ।

काठमाडौं उपत्यका अपराध अनुसन्धान ब्यूरोका एसएसपी बसन्त कुँवरका अनुसार सोमबार बिहान जंगलमा २०-२२ वर्षका युवक र युवतीको शव घोप्टो परेको अवस्थामा भेटिएको हो ।

उनीहरूको पहिचान हुन नसकेको र मृत्युको कारण पनि खुलिनसकेको प्रहरीले जनाएको छ । शव फेला परेको ठाउँ नजिकै बिषको बट्टा पनि फेला परेको एसएसपी कुँवरले बताए ।

उनका अनुसार काठमाडौं जिल्ला प्रहरी परिसर र अपराध अनुसन्धान ब्यूरोको टोली अनुसन्धानका लागि घटनास्थलमा खटिएको छ ।