पर्साको ग्रामिण भेग जानकी टोलबाट ब्यापक तस्करी

रंजित चौरसिया,पर्सा २२ जेष्ठ । पर्सा जिल्लाको ग्रामिण भेगमा पर्ने जानकी टोला नाका हुँदै व्यापक रूपमा तस्करी बढेको पाइएको छ । स्थानीय प्रहरी चौकी जानकी टोलाको संरक्षणमा उक्त नाका हुँदै व्यापक रूपमा तस्करी कार्य बढेको हो ।

स्थानीय प्रहरी चौकी जानकी टोलाका प्रमुख प्रहरी वरिष्ठ नायब निरीक्षक रंजन सिंहको संरक्षणमा नाका हुँदै व्यापक रूपमा तस्करी बढेको पाइन्छ । बिगतदेखि नै आर्थिक प्रलोभनमा परि नाम गनाइसकेका प्रहरी वरिष्ठ नायब निरीक्षक सिंहको जानकी टोल प्रहरी चौकीमा आगमन हुनासाथ तस्करी कार्य बढेको स्थानीयको आरोप रहेको छ ।

स्थानीयले जनाए अनुसार उक्त नाकाबाट चल्ला, भैंसी, हार्डवेयर, कपडाको अबैध तरिकाले आयात हुने गरेपनी स्थानीय प्रहरी चौकी मासिक नजरानामा लिप्त रहेको बताएका छन । एक जना प्रहरी श्रोतका अनुसार माथिल्लो निकायमा राम्रो पहुच भएकै कारण प्रहरी चौकीको कमान्डरको रूपमा आगमन हुन सक्ने बताए ।

उनले आफ्नो नाम सम्प्रेषण नगर्ने सर्तमा प्रहरी वरिष्ठ नायब निरीक्षक रंजन सिंह आएको १ हप्ता नबित्दै चल्ला र भैंसीको लाइन सुचारू भएको र त्यसपछि हार्डवेयर, कपडा लगायतको कार्य सुचारू भएको बताए । आफ्नो पहुच राम्रै भएको कारण जिल्ला प्रहरी कार्यालय पर्साका प्रमुख प्रहरी उपरीक्षक रमेश बस्नेतको आदेशको समेत धज्जी उडाउदै आफ्नो कमाइ खाने भाडो बनाएको उनले बताए ।

यता जिल्ला प्रहरी कार्यालय पर्साका प्रमुख प्रहरी उपरीक्षक रमेश बस्नेतले आफ्नो कार्य क्षेत्र भित्र पर्ने सबै नाकामा व्यापक कडाइ गर्न निर्देशन दिएपनि उहाको आदेशलाइ धज्जी उडाउदै जानकी टोला नाकाबाट तस्करीको लाइन दिएको छ । तसर्थ : यस बिषयमा प्रहरी उपरीक्षक बस्नेत लगायत माथिल्लो निकायको ध्यान जान अति अवाश्यक देखिन्छ ।