सांसद भवन अगाडि कुकुर बम राख्ने पक्राउ

काठमाडौं, फागुन १८ । नयाँ बानेश्वरस्थित संसद् भवन अगाडि शंकास्पद वस्तु राखेर मानिसलाई आतंकित बनाएको अभियोगमा प्रहरीले एक जनालाई नियन्त्रणमा लिएको छ।

नियन्त्रणमा लिनेमा काभ्रेको भुम्ली गाउँपालिका वडा नम्बर – २ सिमथली घर भएका २१ वर्षीय सुवास महत रहेको महानगरी अपराध महाशखाले जनाएको छ ।

अनुसन्धानको क्रममा उनी अनेरास्ववियु क्रान्तिकारीका पशुपति बहुमुखी क्याम्पस कमिटी अध्यक्ष भएको खुलेको छ। प्रहरीले घटनामा प्रयोग भएको बाप्र ०२ ०३० प ७०८५ नम्बरको मोटरसाइकल समेत बरामद गरेको छ।

सोमबार संसद् भवनमा एमसीसीबारे छलफल भइरहेको बेला नयाँ बानेश्वरको बीच सडकमा नो एमसीसी लेखिएको कुकर भेटिएको थियो।