जनता आधारभुत विद्यालय धनगढवाकाे १३औं वार्षिकोत्सब सम्पन्न
महेश यादव
नवलपरासी । पश्चिम नवलपरासीको सरावल गाउँपालिका वडा नम्बर -५ मा अवस्थित श्री जनता आधारभुत विद्यालय धनगढवाकाे १३औं वार्षिकोत्सबकाे अवसरमा अन्तरक्रिया तथा सम्मान कार्यक्रम सम्पन्न भएको छ ।
विद्यालय व्यवस्थापन समितिका अध्यक्ष गाेपिचन्द हरिजनकाे अध्यक्षता तथा गाउँपालिका अध्यक्ष राधेश्याम चाैधरीकाे प्रमुख अतिथतामा आयाेजित विद्यालयको १३औं वार्षिकोत्सबकाे अवसरमा अन्तरक्रिया तथा सम्मान कार्यक्रम भव्य रुपमा सम्पन्न भएको हाे ।
कार्यक्रममा बाेल्दै प्रमुख अतिथि चाैधरीले विद्यालयले गुणस्तरीय शिक्षा प्रदान गर्दै विद्यार्थीहरुकाे भविष्यलाई उज्ज्वल बनाउदै अगाडि बढिरहेको प्रसंसा ब्यक्त गर्नुभएको थियो । उहाँले यस विद्यालयलाई आधारभुत तहबाट माध्यमिक तहमा वृद्धि गराई नमुना विद्यालयकाे रुपमा स्थापना गर्न आफु सधैं अगाडि रहने र पालिकाबाट नै आर्थिक बजेट व्यवस्थापन गरि विद्यालयलाई अगाडि बढाउने प्रतिबद्धता समेत गर्नुभएको हाे । साथै यस समुदायका बालबालिकाहरुलाई प्राविधिक धारकाे माध्यमिक शिक्षा लिन अन्त जान नपराेस भनि आफू विद्यालय र यस समुदायका विद्यार्थी बालबालिकाहरुकाे लागि गाउँपालिका र प्रदेश सरकार संग समन्वय गरि अगाडि बढाउने बताएका थिए ।
साे अवसरमा प्रधानाध्यापक रविन्द्र गाैडले विद्यालयकाे प्रगति प्रतिवेदन पेस गर्दै हालसम्म विद्यालयले अङ्ग्रेजी माध्यममा नै शिक्षा प्रदान गर्दै आईरहेकाे बताएका थिए । साथै विद्यालयकाे १३औं वार्षिकोत्सबकाे अवसरमा आयाेजित अन्तरक्रिया तथा सम्मान कार्यक्रममा गरिव, विपन्न, उत्तकृष्ट तथा अभिभावक विहिन बालबालिका सहित विद्यालयलाई विभिन्न माध्यमबाट सहयोग पुर्याउदै आईरहेका ब्यक्तिहरुलाई सम्मान समेत गरिएको थियोे ।
साे अवसरमा विशिष्ट अतिथि गाउँपालिका उपाध्यक्ष उत्तमा राय, बुद्ध प्रकाश पाैडेल, वडा नम्बर -५ का वडा अध्यक्ष दिनेश सहानि, अतिथिहरु विद्यालय शिक्षक अभिभावक संघका अध्यक्ष श्रीराम कहार, एविसि नेपालका सुपरभाइजर कृति थापा, साईद निशा पठान, पत्रकार बेचु गाैड, उमेश विक, महेश यादव, समाजसेवी सुरेश यादव, पुर्व शिक्षक बालमुकुन्ड चाैधरी प्रहरी लगायतले मन्तव्य ब्यक्त गर्नुुभएकाे थियो ।
