आज मात्र ४९०४ जना कोरोना संक्रमण पुष्टि

काठमाडौं। नेपालमा पछिल्लो २४ घण्टामा चार हजार ९०४ जनामा कोरोना भाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार १० हजार १०१ पीसीआर परीक्षणमा तीन हजार ३१८ र चार हजार ४६१ एन्टिजेन परीक्षणमा एक हजार ५८६ जना गरी चार हजार ९०४ जनामा संक्रमण पुष्टि भएको हो।

सोही अवधिमा कोरोनाका कारण ६ जनाको मृत्यु पनि भएको मन्त्रालयले जनाएको छ। यस्तै आजै ५ हजार ९२४ जना कोरोना संक्रमणमुक्त भएका छन्।