एमाले केन्द्रीय सदस्य बोगटी बाढी प्रभावित परिवारसँग भेटघाट संगै आर्थिक सहयोग

काठमाडौ, भदौ १७ । एमाले केन्द्रीय सदस्य बोगटी द्वारा बाढी प्रभावित परिवारसँग भेटघाट र व्यक्तिगत आर्थिक सहयोग गरेका छन । भदौ १० गते रसुवा गएको भीषण बाढीका कारण ठूलो क्षति भोगेका र सम्पर्कविहीन हुन पुगेका परिवारहरू सँग नेपाल कम्युनिस्ट पार्टी (एमाले) का केन्द्रीय सदस्य सहदेव बोगटीले प्रत्यक्ष भेटघाट कार्यक्रम संगै सान्त्वना प्रदान गर्नुभएको छ।

​जिल्लामा एक अब्बल, तल्लो तहसम्म जोडिएका र अब्बल राजनीतिक नेतृत्वका रूपमा चिनिनुभएका नेता बोगटीले संकटको यस घडीमा बाढीपीडित आफन्त बाजुरा जिल्ला हिमाली गाउँपालिका -६ घर भएका सम्पर्क बिहिन मोहन रोकाया, बिक्रम भण्डारी सोही वडाका दिपे सार्की र बिसि पाण्डेको घरपरिवारलाई भेटेर व्यक्तिगत तर्फबाट ५ हजार रुपैयाँ दरले चारजना रसुवा बाढीपछि सम्पर्क बिहिन बिक्रम भण्डारी भाइ विपिन भण्डारी, मोहन रोकाया श्रीमती बिमला रोकाया, दिपे सार्की श्रीमती मनसरी सार्की र बिसी पाण्डे श्रीमती नानी पाण्डेलाई सानोतिनो रकम भएपनी घाउमा मलम लगाउने आर्थिक सहयोग हस्तान्तरण गर्नुभएको हो।

​विपदको यस्तो कठिन परिस्थितिमा पनि उहाँले पीडित परिवारहरूसँग निरन्तर सम्पर्क कायम राख्नुभएको छ। प्रत्यक्ष उपस्थिति सम्भव नभएका ठाउँमा टेलिफोनमार्फत र अन्य स्थानमा स्वयम् उपस्थित भई उहाँले पीडितहरूसँग दुःख-सुख साट्दै निरन्तर अभिभावकत्व प्रदान गरिरहनुभएको छ।
​नेता बोगटीले संकटका बेला जनताको साथमा उभिनु नै सच्चा राजनीति र समाजसेवा भएको बताउँदै बाढीका कारण समस्यामा परेका अन्य परिवारहरूसम्म पनि निरन्तर सम्पर्क र सहयोग पुर्याउने प्रतिबद्धता जनाउनुभएको छ।