सलमान खानले फिल्मका लागि घटाएका हुन् पारिश्रमिक ?
नयाँ दिल्ली । बलिउड अभिनेता सलमान खान यतिबेला आफ्नो आगामी फिल्म ‘एसभीसी६३’ का कारण चर्चामा छन् । हालै सलमानले फिल्मको लागि आफ्नो पारिश्रमिक घटाएर ७० करोड भारु बनाएको खबर आएको थियो ।
तर निर्माताहरूले सलमानको पारिश्रमिकबारे चलेका हल्लाको खण्डन गरेका छन् । समाचारअनुसार सलमान अगस्ट ६ देखि फिल्मको शुटिङको अर्को शेडूयल सुरु गर्ने तयारीमा छन् ।
मिडिया रिपोर्टहरूका अनुसार ‘एसभीसी६३’का निर्माताहरूले मुम्बईमा छ हप्ताको शुटिङ तालिकाको योजना बनाएका छन् । यस तालिकामा तीव्र इन्टेन्शिभ एक्सन दृश्यहरू र सयौं जुनियर कलाकारहरू समावेश गर्ने असंख्य भीडभाड दृश्यहरू समावेश हुनेछन् । सुरुमा, यो शेड्यूल हैदराबादमा छायांकन गर्ने योजना थियो, तर पछि यसलाई मुम्बई सारियो ।
फिल्मको एक्सन भागहरू अक्टोबरसम्ममा पूरा गर्ने लक्ष्य मेकरहरूले खेका छन् । वाम्शी पैदिपल्लीद्वारा निर्देशित यो फिल्म २०२७ को ईदमा हलमा रिलिज गर्ने तालिका छ । फिल्ममा सलमानको साथमा दक्षिण भारतीय चर्चित अभिनेत्री नयनतारा देखिदैछिन् । सलमान र नयनताराका यो पहिलो प्रोफेशनल कोलैबोरेशन हो ।
