सिरियाबाट फर्किएकी आईएससँग सम्बन्धित महिलामाथि अस्ट्रेलियामा आतंकवादसम्बन्धी अभियोग

सिड्नी । इस्लामिक स्टेट (आईएस) समूहसँग सम्बन्ध रहेको एक महिलालाई सिरियाबाट अस्ट्रेलिया फर्किएपछि आतंकवादसम्बन्धी अभियोग लगाइएको प्रहरीले जनाएको छ । यस महिनामा सो समूहसँग सम्बन्धित महिला र बालबालिकाका दुई समूह अस्ट्रेलिया आइपुगेकै बेलामा यो घोषणा भएको हो । उनीहरूले सन २०१९ यता आईएस लडाकुहरूको परिवारलाई राखिएको उत्तर–पूर्वी सिरियाको अल–रोज शिविरमा वर्षौँ बिताएका थिए ।

गिरफ्तार गरिएकी व्यक्तिको परिचय वा लगाइएका अभियोगबारे थप विवरण तत्काल उपलब्ध गराइएको छैन । यद्यपि प्रहरीले बिहीबार पत्रकार सम्मेलन गर्ने जनाएको छ । यसै महिनामा सिरियाबाट फर्किएका तीन महिलामाथि पनि मानवताविरुद्धका अपराध तथा घोषित द्वन्द्वग्रस्त क्षेत्रमा बसोबास गरेको लगायत विभिन्न अभियोग लगाइएको छ ।

प्रधानमन्त्री एन्थोनी अल्बानिजले “यदि तपाईँले आफ्नो लागि ओछ्यान बनाउनुहुन्छ भने तपाईँ त्यसैमा सुत्नुपर्छ” भन्दै आफ्नो धारणा स्पष्ट पारेका छन् । अधिकारकर्मीहरूले भने अस्ट्रेलियाले उनीहरूको स्वदेश फर्किने अधिकार सुनिश्चित गर्नुपर्ने र विशेषगरी बालबालिकालाई सहयोग तथा संरक्षण दिनुपर्ने बताएका छन् ।