सीले भनेको रचनात्मक, रणनीतिक र स्थिर सम्बन्धको अर्थ के हो ?

बेइजिङ । चिनियाँ राष्ट्रपति सी जिनपिङले अमेरिका–चीन सम्बन्धलाई रचनात्मक, रणनीतिक र स्थिर सम्बन्ध बनाउन चाहेको बताएका छन् । चीनको दुई दिने भ्रमणमा रहेका अमेरिकी राष्ट्रपति डोनाल्ड ट्रम्पसँगको भेटमा उनले सो कुरा बताएका हुन् ।

राष्ट्रपति सीले भन्न खोजेको कुरा के हो ? चिनियाँ विज्ञहरूका अनुसार यस अभिव्यक्तिले अमेरिका र चीन बिचको सम्बन्ध सहज नभए पनि त्यसलाई नियन्त्रणबाहिर जान नदिने बेइजिङको सोचलाई जनाउँछ ।

तर चीनका रेनमिन विश्वविद्यालयका अन्तर्राष्ट्रिय सम्बन्ध विशेषज्ञ शिन यिन्हले सिको अभिव्यक्ति ‘सस्तो राजनीतिक भाषण’ मात्र हुनसक्ने बताए । दुवै पक्षले के–कस्ता सम्झौता र सहमति गर्ने तथा सम्बन्धलाई कसरी व्यवस्थित गर्ने भन्ने स्पष्ट नभएसम्म यस्तो अभिव्यक्ति ‘सस्तो राजनीतिक भाषण’ मात्र हुनेमा उनले जोड दिए ।