कबिता “आथाङ राको”

मैथेदु आइकुचा न्होलताले
थेसा नुङ्को वै मैदु
नाङ्को र गैको भेन्दै वै बातकै
दिगोरे वै बनाइको मैदु

किजी कै किजी ओबो कै ओबो
लोङ्सेङी त्वै ङाको
आप्रा र माप्रा साखाली
बातकै चुम्ताले चावाको

उखिङ रासा नाङ्को लोङ्से
जिताले चावाको
ह्योबी र नाबी कुता बे
हेन्छा दि थाले चावाको

इल्या र विर्याको चाचामै निबे
स्रेताले द्रोसीको
पुर्खाको जेतकै साखालीय
बचैसा चेसेन्को

याङ र भैसे गाङ हारा
थाङुन थाहा मानी काङाङ
रासा दिनगाङ
मेको राको चितेको काङाङ

पुर्ख्यौली जेत वे चामेको
बाडी पालिङ बनैसा
दाप्सा र वार्सा साखाली
नुङताले काते वै पेत्रेप्सा

कपुरी क र खरायो ख दि
चेसेन्को मैदु सै
त्वै नामागाङ सस्कृतिकै
चिमोसा मैदु सै

आन्तारेको बातकै कागाङ
छ्युताले नाको है
आकुस्याको खेतीवालकै
दाप्ताले नाको है

किलौसा भन्दा कागाङ
नानेङ कारी बे कारिसा
नाङ्को र गैको दिलै
वै बात त्वै मुरु चिमोसा

सेवा????
हिरा थामी ( )
सिन्धुपाल्चोक